Free Horoscope Online

மேஷம்:பெரிய அளவில் சிரமத்தை கொடுக்கும் என நினைத்த காரியம் ஒன்று சுலபமாக முடியும். தண்டச் செலவுகளை எதிர்கொள்ளலாம். தொழில் ரீதியாக புதியவர்கள் சிலர் உங்களின் உதவி நாடி வரலாம். எதிர்காலம் தொடர்பான விஷயங்களில் அதிக அக்கறை காட்டுவீர்கள். உங்களுக்கு பிடித்த ஒன்று மற்றவர்களுக்கு பிடிக்காமல் போகலாம்.

ரிஷபம்:எதிலும் மற்றவர்களுக்கு நாணயம், நம்பிக்கை ஏற்படும் வகையில் செயல்படுவீர்கள். வியாபாரிகள் பழைய வாடிக்கையாளர்கள் மூலம் புதிய வாடிக்கையாளர்களைப்பெறலாம். புத்திசாலித்தனமான செயல்பாடுகளால் நண்பர்கள் மத்தியில் செல்வாக்கு அதிகரிக்கும். கடனாக கைமாத்தாக கொடுத்த பணம் திரும்பி வரும்.

மிதுனம்:நினைத்ததை சாதித்து நிம்மதி பெறும் நாள். சொந்த பந்தங்கள் தொடர்பான விசேஷ நிகழ்ச்சிகளுக்காக ஆடை, ஆபரணங்கள் வாங்கலாம். வெளிவட்டார தொடர்புகள் விரிவடையும். நீங்கள் செய்த உதவிக்கு ஒருவர் பதில் உதவி செய்யலாம். நீண்ட நாட்களாக உங்களை குழப்பிக் கொண்டிருந்த பிரச்னை ஒன்று முடிவுக்கு வரும்.

கடகம்:சிலர் உங்களிடம் பேச்சுக்கொடுத்து ரகசியங்களை பெற முற்படுவர். வருமானத்தை அதிகரிக்க வழக்கத்திற்கு மாறாக கூடுதல் நேரம் வேலை செய்யலாம். நீண்ட நாள் நண்பர் ஒருவரை வெளியில் செல்லும் போது சந்திக்கலாம். திட்டமிட்ட வேலை ஒன்றை சோம்பலால் மாற்றி அமைப்பீர்கள். மருத்துவ செலவுகள் நேரலாம்.

சிம்மம்:இறைவழிபாட்டின் மூலம் இன்னல்களை குறைக்க வேண்டிய நாள். கிடைக்கும் நேரத்தை வீணடித்து விட்டு பின்னர் அவசரமாக செயல்படுவீர்கள். ஓய்வு எடுக்க நினைத்தாலும் அது முடியாத அளவுக்கு பிறரின் தொல்லைகளுக்கு ஆட்படலாம். நினைத்த காரியங்கள் நடப்பது தள்ளிப் போகலாம். செலவுகள் அதிகரிக்கும் நாள்.

கன்னி :புதிய முயற்சிகளில் வெற்றி கிட்டும் நாள். கைவிட்டுப் போனதாக நினைத்த பொருள் ஒன்று மீண்டும் கிடைக்கலாம். சக ஊழியர்களுடன் சேர்ந்து கூட்டாக மேற்கொண்ட செயல்களில் வெற்றி கிடைக்கும். கடிதங்கள் மூலம் நல்ல தகவல்கள் வந்து சேரலாம். உறவினர் ஒருவருடன் வெளியிடங்களுக்கு செல்லும் வாய்ப்பு உருவாகும்.

துலாம்: பெரிய மனிதர் ஒருவரை திடீரென சந்திக்கலாம். தொல்லை கொடுத்தவர்கள் எல்லை விட்டுச் செல்வர். அண்டை அயலார் ஆதாயம் பெறும் காரியம் ஒன்றைச் செய்வீர்கள். தேக ஆரோக்கியத்திற்காக சிறு தொகையை செலவு செய்வீர்கள். தொழில் ரீதியான செல்வாக்கு அதிகரிக்கும் நாள். உற்சாகமாக செயல்படும் நாள்.

விருச்சிகம்: குடும்பப் பெரியவர்களின் விருப்பங்களை நிறைவேற்றி வைப்பீர்கள். கொடுக்கல் வாங்கல்களில் எச்சரிக்கை அவசியம். உங்களின் யோசனைகளுக்கு நண்பர்கள் மத்தியில் நல்ல வரவேற்பு இருக்கும். சிலரை சந்திக்க முற்பட்டு அது முடியாமல் போகலாம். உங்களின் பலவீனத்தை சிலர் சாதகமாக பயன்படுத்திக் கொள்ளலாம்.

தனுசு:சுபச் செய்திகள் வீடு தேடி வரும் நாள். மற்றவர்களை நம்பி ஒப்படைத்த வேலைகள் முடியாமல் அவற்றை நீங்களே செய்ய நேரிடலாம். உறவினர்கள் வழியில் கசப்பான அனுபவங்களைச் சந்திக்கலாம். பொதுவாழ்வில் உள்ளோர் அல்லது அரசியல்வாதிகள் சர்ச்சைக்குரிய விவகாரங்களில் தலையிடுவதைத் தவிர்க்க வேண்டும்.

மகரம்:பொழுது போக்கு உல்லாச விஷயங்களில் நாட்டம் செல்லும். பொறுமையாக செயல்பட்டு எந்த விஷயத்திலும் சாதனை படைப்பீர்கள். மாலை நேரத்தில் சிறிய அளவில் பணவரவுகளை பெறலாம். உங்களுக்கு பிடித்தமான ஒருவரை எதிர்பாராமல் சந்திக்கலாம். அதிக விலை கொடுத்து வாங்க நினைத்த பொருள் ஒன்றை குறைந்த விலைக்கு வாங்கலாம்.

கும்பம்:கனிவாக பேசி காரியம் சாதிக்க வேண்டிய நாள். தொழில் ரீதியாக சிறு நெருக்கடிகளைச் சந்திக்கலாம். வேலையாட்கள் ஏட்டிக்குப் போட்டியாக நடந்து எரிச்சல் உண்டாக்குவர். குடும்பத் தேவைகளை நிறைவேற்றி வைப்பீர்கள். பயணங்கள் பலன் தரும் விதத்தில் அமையும். உங்களுக்காக மற்றவர்கள் ஜாமீன் கொடுக்கலாம்.

மீனம்:உள்ளம் மகிழும் செய்தியை தொலைபேசி வழியில் கேட்கலாம். பம்பரமாக சுழன்று பணியாற்றுவீர்கள். வீட்டில் வசதி வாய்ப்புகள் அதிகரிக்கும். திடீர் செலவுகள் இருந்தாலும் அதை சமாளிக்க புதிய வரவுகள் வந்து சேரும். மனைவி அல்லது பெண்கள் வழியில் இனிமையான அனுபவங்களைப் பெறலாம். அனுகூலமான நாள்.

Next

Top